Мәуленов пен ұлына қатысты қылмыстық іс сотта қарала бастады

Бүгін Жамбыл облысы қылмыстық істер жөніндегі мамандандырылған ауданаралық сотының судьясы Айдарбек Замбаевтың төрағалық етумен «ТаразЭнергоОрталық» АҚ басқарма төрағасы Бақберген Мәуленов пен ұлы, «Expo Energy KZ» ЖШС компаниясының жетекшісі Рахат Бүлдешке қатысты қылмыстық іс соттта қарала бастады.

Әке мен бала 2 миллиард теңгені жымқырды деген күдікке ілінген. Ақша жалған келісімшарттар бойынша компаниялардың есепшоттарына түсіп отырған. Тағы бір эпизодты криптовалютамен айналысатын компанияға электр энергиясын заңсыз сатумен байланыстырады.

Мемлекеттік айыптау оқылмай тұрып Бақберген Мәуленов, Рахат Бүлдеш және Әнуар Жуанышбаев соттан күзетте ұстауды үй қамаққа ауыстыруды сұрады.

Бақберген Мәуленов іздеуде жүрген Рахат Бүлдештің хатын сотқа ұсынды. Онда ол әкесі мен інісінің «ТаразЭнергоОрталық» АҚ жасалынған келісімшарттарға қатыстары жоқтығын айтқан. Сонымен қатар жазған хатында ол өзін қорғап алу үшін, күзетте ұстау шарасын үйде ұстауға ауыстырса - жауап беруге келетіндігін мәлімдеген.

Ал, шетелде білім алып келген Әнуар Жуанышбаев «Си-13-тегі» адам төзгісіз жағдайлар туралы айтты. Тексерушілер мен қонақтарға ол жерлерді көрсетпейтінін де қосты.

Біздің жергілікті тілшілеріміз ары қарай да сот отырысынан объективті ақпараттар тарата беретін болады.

Исламбек Дастан, Жамбыл облысы