Луврдағы қарақшылық: Мұражайға жаңа басшы тағайындалды

Францияда Лувр мұражайының жаңа директоры болып өнертанушы Кристоф Лерибо тағайындалды. Бұрынғы басшы Лоранс де Кар отставкаға кетті, деп хабарлайды Orda.kz DW агенттігіне сілтеме жасап. 

Жаңа тағайындау туралы Франция үкіметінің ресми өкілі Мод Брежон мәлімдеді. 62 жастағы Лерибо бұған дейін Версаль сарайының басшысы қызметін атқарған. Ол Орсе музейін де басқарған.

Еске салайық, 19 қазанда атақты Лувр мұражайын қарақшылар тонап кетті. Парижде қылмыскерлер жеті минут ішінде 88 миллион еуроға жуық бағалы заттарды тонап, Лувр қазынасын үптеп кеткеннен кейін мұражай басшылығы қалған бағалы заттарды жер астына жасырды. Осыдан кейін Лоранс де Кар қызметінен кету туралы өтініш білдірді. Ол ұрлыққа дейін де отставкаға кетуге тырысқан. Бірақ өтініш қабылданбаған.

Эммануэль Макрон қарусыз келген қарақшыларды өткір сынады. Бұл оқиғаны Франция үшін қымбат мәдени мұраға жасалған қол сұғушылық деп атап, кінәлілер міндетті түрде жазаланатынын мәлімдеген. 26 қарашада Лувр мұражайын тонаған күдіктілердің бәрі қолға түсті.

Оқи отырыңыз:

• «Ғасыр ұрлығы»:  Луврдан ұрланған жәдігерлерді астыртын ондаған миллион еуроға сатуға тырысқан, ұрылардың арасында әйел адам да бар
• Париждегі бомба туралы хабарға байланысты Лувр уақытша жабылды