Ливан Израиль бітімді бұзғанын мәлімдеді

Ливанда бұған дейін жарияланған бітімге қарамастан Израиль елдің оңтүстігіне шабуыл жасағаны белгілі болды, деп хабарлайды Orda.kz ливандық NNA агенттігіне сілтеме жасап.

Агенттік мәліметінше, 17 сәуір таңертеңнен бастап израильдік барлау дрондары Хермон тауының батыс беткейлері мен Рашайя ауданының оңтүстігінен ұшып өткен. Оқ атуды тоқтату режимі жарияланғаннан кейін артиллерия Хиам елді мекеніне соққы жасаған. 5  снаряд атылғаны хабарланды.

Бітім күшіне енер алдында Дейр-Мимас елді мекені де атқыланған. Снарядтардың бірі тұрғын үйге тиіп, өрт шыққан. Жедел жәрдем бригадасындағылар жараланған.

Сонымен қатар, Мадждаль-Селм елді мекенінде жарылмай қалған оқ-дәрінің жарылуы салдарынан бір жасөспірім қаза тауып, тағы бір адам жараланған.

Еске салайық, бұған дейін Дональд Трамп Израиль мен Ливан басшылары 10 күндік бітімге келіскенін мәлімдеген еді. 

Оқи отырыңыз:

• Бірден 22 жол апаты: Қазақстандықтар жүргізуші куәлігін алу емтиханын қалай тапсырып жүр?
• Тоқаев дипломатиялық форумға қатысу үшін Анталиядағы NEST конгресс орталығына келді
• Кәсіпкерді сан соқтырған: 10 жылдан аса іздеуде жүрген ер адам Германиядан экстрадицияланды