Бірден 22 жол апаты: Қазақстандықтар жүргізуші куәлігін алу емтиханын қалай тапсырып жүр?

Қазақстанда жүргізуші куәлігін алуға үміткерлердің бәрі жол қозғалысы ережелерін толық меңгере бермейді. Салдарынан емтихан барысында бірден 22 жол апаты тіркелген. Бұл жағдай болашақ жүргізушілердің дайындық деңгейінің төмен екенін көрсетеді, деп хабарлайды Orda.kz. 

«Азаматтарға арналған үкімет» мемлекеттік корпорациясы барлық практикалық жүргізу емтихандары сәтті аяқтала бермейтінін мәлімдеді. Кейбір жағдайларда жүргізуші куәлігін алу орнына, көлікті апатқа ұшыратады. 

Мәселен, 2025 жылы елдегі МҚХО-да 69 жол-көлік апаты тіркелсе, 2026 жылдың бірінші тоқсанында 22 жағдай тіркелген.

Осындай жағдайлардың салдарынан емтиханға арналған кейбір көлік құралдары уақытша пайдаланудан шығарылады екен. Осы себептен басқа емтихан тапсырушылар кезек күтіп қалады.

Корпорация жүргізуші куәлігін алу үшін өтетін емтиханының жай ғана рәсім емес, үміткердің жол жүруге дайындығын бағалайтын маңызды кезең екенін еске салды.

Оқи отырыңыз:

• Тоқаев дипломатиялық форумға қатысу үшін Анталиядағы NEST конгресс орталығына келді
• Кәсіпкерді сан соқтырған: 10 жылдан аса іздеуде жүрген ер адам Германиядан экстрадицияланды