Лифтті тепкілеп, қызды баспен ұрған «батыр» ұсталды

Алматы қаласының Полиция департаменті «Ақкент» шағынауданында қызды ұрып-соғу фактісінен кейін 26 жастағы ер адамның ұсталғанын хабарлады, деп хабарлайды Orda.kz.      

Денсаулыққа зиян келтіру фактісі бойынша Алатау аудандық полициясында қылмыстық іс қозғалды. Сонымен қатар қоғамдық тәртіпті бұзғаны үшін жігіт әкімшілік жауапкершілікке тартылып, 60 мың теңге айыппұл салынды.

«Кез келген зорлық-зомбылық көріністері, әсіресе әйелдерге қатысты, жол берілмейтінін атап өтеміз және олар барынша қатаң түрде тоқтатылады. Мұндай әрекеттер үшін жазаның бұлтартпастығы толық көлемде қамтамасыз етіледі» деп жазылған түсіндірмеде. 

Оқиға Алматыдағы Ақкент шағынауданында болған. Желіде оқиға орнынан видео тарады. Кадрдан әуелі жігіттің лифт батырмасын аяқпен тепкенін көруге болады. Кейін ол жанындағы қызға шабуыл жасайды. 

Полиция  26 жастағы күдікті ұсталғанын мәлімдеді. Қылмыстық іс қозғалып, әкімшілік жауапкершілікке тартылған. Дегенмен тағы да ұсақ бұзақылық деп танылған.

Оқи отырыңыз:

• Ақ үйде атыс шығарған күдікті өмір бойы бас бостандығынан айырылуы мүмкін
• Елімізде балалардың атына жеке кәсіпкерлік рәсімдеуге болады
• Ұшқышсыз ұшу аппараттары мен әуе кеңістігін пайдалану қатаң бақыланады