Елімізде балалардың атына жеке кәсіпкерлік рәсімдеуге болады

Қазақстанда балалардың атына жеке кәсіпкерлік (ЖК) рәсімдеуге болады.  Жеке кәсіпкер мәртебесі тіркелгеннен кейін беріледі. Енді бұл мүмкіндік кәмелетке толмағандарға да қолжетімді, бірақ кейбір шектеулер бар, деп хабарлайды Orda.kz.       

Қазақстанда жеке кәсіпкер мәртебесі тек 14 жастан бастап беріледі. Кәмелетке толмағандарға ЖК тіркеу үшін заңды өкілдердің келісімі немесе толық әрекет қабілеттілігін растайтын құжаттар қажет (16 жастан асқандар үшін).

18 жасқа толмағандарға ЖК-ні мемлекеттік кірістер органдары, ХҚКО немесе eGov.kz порталы арқылы рәсімдеуге болады.

Жеке кәсіпкер – бұл заңды тұлға емес, бірақ өз атынан және өз тәуекелімен табыс табу мақсатында заңды қызмет жүргізетін жеке тұлға.

Әдетте ЖК шағын айналымы бар немесе заңды тұлға ретінде толық тіркелу талаптарына сай келмейтін жағдайларда рәсімделеді. Мысалы, такси жүргізу, шаштараз, массаж жасау сияқты жеке қызмет көрсететіндер немесе шағын сауда нүктелері мен өндірістер.

Кейбір жағдайларда ЖК тіркеу міндетті емес – онсыз да табыс табуға болады.

Дегенмен, кәсіпкер мәртебесі қазақстандықтарға заңды түрде жұмыс істеуге және салықты оңтайландыруға мүмкіндік береді. Бірақ кейде теріс пайдалану жағдайлары да кездеседі, мысалы кейбір  компаниялар қызметкерлерін ЖК арқылы рәсімдеуі мүмкін.

Дегенмен 14 жастан бастап ЖК тіркеуге болғанымен, бірақ осы жасқа дейін кәсіпкерлік қызметке рұқсат етілмейді. Кәмелетке толған азаматтар ЖК-ні екінші деңгейлі банктердің мобильді қосымшалары арқылы тез тіркей алады. Ал 18 жасқа толмағандар үшін қосымша құжат қажет.  Сонымен, Қазақстанда 14 жастан бастап кәмелетке толмағандар да жеке кәсіпкер бола алады. Бірақ ол үшін ата-анасының келісімі және тиісті құжаттар қажет.

Оқи отырыңыз:

• Тоқаев ТМД елдерімен радиация бойынша дерек алмасу туралы заңға қол қойды
• Трамп Америка тарихындағы ең көп шабуылға ұшыраған саяси тұлға
•  Астанада балалар отырған аттракцион құлады, полиция тексеріп жатыр