Қызылорда облысындағы қайғылы оқиға: Жоғалып кеткен 6 жасар қыздың денесі Сырдариядан табылды

Іздеу жұмыстары үш тәулікке созылды. Баланың денесі жоғалған жерінен 30 шақырым төменнен табылды, деп хабарлайды Orda.kz.

almaty.tv мәліметінше Қызылорда облысында үш күн бұрын жоғалып кеткен 6 жасар қыздың денесі Сырдария өзенінен табылды. Бүлдіршіннің үйі өзен жағасына жақын орналасқан.

Бейнебақылау камераларына кішкентай қыздың өзен бөгеті жаққа қарай бет алған сәті түсіп қалған. Осы күндері іздестіру жұмыстары өзен маңында да, жағалау бойында да жүргізілді. Іздеуге полиция қызметкерлері, құтқарушылар, туыстары және еріктілер қатысты.

Қыздың денесі «Әйтек» су торабының төменгі жағынан, ағыс бойымен шамамен 30 шақырым жерден табылды. Алдын ала мәлімет бойынша, мәйіттен зорлық-зомбылық белгілері анықталмаған.

«Іздеу жұмыстарына барлығы 495 адам, 17 техника, 3 қайық және 3 кинологиялық топ қатысты. 7 маусым күні сағат 10:41-де қыздың денесі табылды. Денесінен қандай да бір жарақат белгілері анықталған жоқ», — деді Төтенше жағдайлар департаменті бастығының орынбасары Бекболат Әбдіқадыров.

Оқи отырыңыз: 

• Әл-Фарабидегі жол апаты: Пакқа кешірім берген отбасылар саны тағы да толықты
• Құрылыс кодексі: Әкімдіктер заңсыз құрылысты анықтауға міндетті