Қысқы Олимпиаданы тікелей эфирден қайда көруге болады

6-22 ақпанда Милан мен Кортина-д'Ампеццода XXV қысқы Олимпиада ойындары өтеді. Қазақстандықтар жарыс барысын Qazaqstan, Qazsport, «Хабар» және Jibek Joly республикалық телеарналарының тікелей эфирінен бақылай алады, деп хабарлайды Orda.kz Мәдениет және ақпарат министрлігіне сілтеме жасап.

Тарихта алғаш рет Қысқы ойындарды Италияның екі қаласы өткізеді. 100-ге жуық елден 3000 спортшы қатысады деп күтілуде.

«Қысқы ойындарда» спорттың сегіз түрінен 116 медаль сарапқа салынады. Қазақстанның қазір үш спорт түріне - шорт-трек, коньки тебу және мәнерлеп сырғанауға олимпиадалық квотасы бар.

Бұған дейін біз Қазақстанның 2026 жылғы қысқы Олимпиадаға 12 жаңа лицензия жеңіп алғанын жазғанбыз.

Еске салсақ, былтыр Милан–Кортинадағы  2026 жылғы Қысқы Олимпиада ойындарының алауын жағу салтанаты Римде өтті. Пьяцца дель Квиринале алаңында Олимпиада алауын Италия президенті Серджо Маттарелла жақты.

Қазақстандық спортшылар Қысқы Олимпиада ойындарына 1994 жылдан бері қатысып келеді. Осы уақыт ішінде атлеттеріміз барлығы сегіз медаль: бір алтын, үш күміс және төрт қола жеңіп алған болатын.

Тақырыпқа сай ұсынамыз:

• Қазақстан 2026 жылғы қысқы Олимпиадаға 12 жаңа лицензия жеңіп алды
• Әлем чемпионаты: 2026 жылдың топтық кезеңі белгілі болды
• Зейнеткер Ақтаудан Парижге велосипедпен бармақшы