Қырғызстанда парламент спикері отставкаға кетті

12 ақпан 2026 23:48 Альфия Адамбек

Фото: 24.kg

Көрші елде кадрлық өзгерістер әлі жалғасып жатыр. Бұған дейін Ұлттық қауіпсіздік мемлекеттік комитетінің төрағасы Қамшыбек Ташиев қызметінен босатылса, енді Жогорку Кенеш спикері Нурланбек Тургунбекуулу да отставкаға кететінін мәлімдеді, деп хабарлайды Orda.kz.

Спикер бұл жаңалықты парламент отырысында айтты. Ол мұндай шешімді саяси тұрақтылықты сақтау және қоғамда алауыздыққа жол бермеу мақсатында қабылдағанын мәлімдеді.

«Мен ешқашан бір-екі адамның мүддесі үшін жұмыс істеген емеспін. Әрдайым елдің, қырғыз халқының мүддесі үшін қызмет еттім. Осы уақыт ішінде мемлекет үшін маңызды әрі қажет шешімдердің қабылдануына өз үлесімді қостым. Мен ешқайда кетпеймін, депутат ретінде жұмысымды жалғастырамын», — деді Нурланбек Тургунбекуулу.

Экс-спикер өзіне ешқандай қысым болмағанын баса айтты. Спикердің міндетін уақытша атқарушы болып Жумгалбек Шабданбеков тағайындалды.

Айта кетейік, бірнеше күн бұрын қырғыз президенті Конституциялық сотқа жүгінген еді. Садыр Жапаров Конституциялық соттан өз өкілеттік мерзімі мен кезекті президенттік сайлауды тағайындау тәртібіне қатысты ресми түсіндірме беруді сұрады.

Оқи отырыңыз:

Жаңалықтар

барлық жаңалықтар