Садыр Жапаров Конституциялық сотқа жүгінді

Қырғызстан президенті Садыр Жапаров Конституциялық соттан өз өкілеттік мерзімі мен кезекті президенттік сайлауды тағайындау тәртібіне қатысты ресми түсіндірме беруді сұрады, деп хабарлайды Orda.kz. 

Президенттің бұл әрекетіне заңгерлер мен сарапшылар арасындағы пікір қайшылықтары себеп болған. 2021 жылы Конституцияның жаңа редакциясы қабылданғаннан кейін, 2010 жылғы Конституция бойынша сайланған президенттің өкілеттік мерзімі қай уақыттан бастап есептелетіні және келесі сайлау қашан өтетіні жөнінде түрлі түсіндірмелер пайда болған.

Жапаров құжаттағы мұндай түсініксіз мәлімет сайлау мерзімдері, азаматтардың сайлау құқықтары және билік шешімдерінің заңдылығы сияқты маңызды мәселелерге әсер ететінін айтты. Егер бұл мәселеге нақты түсініктеме берілмесе, саяси дау туындап, мемлекеттік органдарға деген сенім төмендеуі мүмкін.

Президент Конституциялық соттан  «Қырғыз Республикасының Конституциясы туралы» заңды ескере отырып түсіндіруді және сайлау өткізу тәртібі мен мерзімдерін нақты айқындауды сұрады.

Сот бұл өтінішті 17 ақпанда қарайды.

Оқи отырыңыз:

• Қырғыз президентінің саяси серіктесі Ташиев бүкіл қызметінен босатылды
• Қырғызстан мен Тәжікстан тарихи келісімге қол қойды
• Қырғызстан жаңғақ атауын «қырғыз» деп өзгертуі мүмкін