Қырғыз президентінің саяси серіктесі Ташиев бүкіл қызметінен босатылды

Қамшыбек Ташиев Қырғызстан министрлер кабинеті төрағасының орынбасары – Ұлттық қауіпсіздік мемлекеттік комитеті (ҰҚМК) төрағасы қызметінен босатылды, деп хабарлайды Orda.kz. 

Тиісті жарлыққа Қырғызстан президенті Садыр Жапаров қол қойды. Қамшыбек Ташиев Қырғызстан ҰҚМК төрағасы қызметіне 2020 жылғы 16 қазанда тағайындалған. Ташиевтің орнына Жумгалбек Шабданбеков ҰҚМК төрағасы міндетін атқарушы болып тағайындалды.

Жумгалбек Шабданбековтің кандидатурасы Қырғыз Республикасының Жогорку Кенешіне енгізілді.

Қамшыбек Ташиев пен елдің қазіргі президенті Садыр Жапаров екеуі көпжылдық достар. Олардың жақсы қарым-қатынасы билікке келмей тұрып-ақ басталған. 2010-жылдардың басында екеуі бірнеше рет саяси процестерде бір тарапта болды. 2012 жылғы ортақ қылмыстық эпизодты бірге бастан өткерді. Ал 2020 жылы қазан оқиғаларынан кейін Садыр Жапаров президент қызметіне кірісті. Ал Қамшыбек Ташиев ҰҚМК басшысы болып тағайындалды.

Қырғызстандық басылымдар соңғы уақытта саяси ортада Ташиевтің алдағы президенттік сайлауға қатысуы мүмкін деген қауесет тарағанын хабарлады. Алайда Қамшыбек Ташиев бірнеше рет президенттік додаға қатысатын ойы жоқ екенін және Садыр Жапаровты қолдайтынын мәлімдеген.

Оқи отырыңыз:

• Қырғыз тілін білмейтін қырғызстандықтар айыппұл арқалайды
• Бішкекте мектеп сыныптарын орыс және қырғыз тілдеріне бөлуден бас тартпақ
• Қырғызстан жаңғақ атауын «қырғыз» деп өзгертуі мүмкін