ҚР ДСМ ауруханалар мен емханаларды жаппай тексереді

Денсаулық сақтау министрлігі ауруханалар мен клиникаларда жоспарлы тексерулерді қайта бастайды, деп хабарлайды Orda.kz.        

Денсаулық сақтау министрлігінің Медициналық және фармацевтикалық бақылау комитеті (МФБК) медициналық ұйымдарға жоспарлы тексерулер жүргізуді қайта қолға алуда. Ведомствоның баспасөз қызметінің хабарлауынша, 2026 жылы 118 мемлекеттік және жекеменшік клиника мен ауруханада тексеру өтеді.

Тексерулердің мақсаты:

•  Білікті мамандардың жеткіліктілігін бағалау;
• Қажетті медициналық жабдықтармен қамтамасыз етілуін тексеру;
•  Ғимараттардың санитарлық және техникалық талаптарға сәйкестігін анықтау.

Сонымен қатар, жылдың бірінші жартыжылдығында тағы 57 медициналық ұйымға орынға барып профилактикалық бақылау жүргізіледі. Оның негізгі мақсаты — заңбұзушылықтардың алдын алу, яғни жазалау емес, ескерту жасау.

Бұл тексерулер ел бойынша медициналық көмектің сапасы мен қауіпсіздігіне қатысты бірыңғай стандарттарды қамтамасыз етуге бағытталған. Медициналық және фармацевтикалық бақылау комитеті соңғы рет осындай жоспарлы тексерулерді 2023 жылы өткізген екен.

Еске салсақ, әлеуметтік медициналық сақтандыру қорының (ӘМСҚ) жұмысында көптеген заңбұзушылық анықталды. Олардың қатарында жалған пациенттерді тіркеу, ер адамдардың әйелдерге арналған скринингтерден «өтуі»,  балаларға бір күнде мыңнан астам дәрі-дәрмек жазу, тіпті қайтыс болған адамдарға медициналық қызмет көрсету фактілері болған. 

Оқи отырыңыз:

• Еліміздің дәрігерлері енді біліктілік сынақтарын тапсырып қиналмайды
• Медициналық сақтандыруға қатысты даудан кейін қорды Гүлмира Сәбденбек басқаратын болды
• Еліміздегі скрининг бағдарламаларының саны артты
• Емханаға келгеніңізді QR арқылы бекіте аласыз