Қостанайда қамаудағы бес азаматты сотқа алып бара жатқан полиция көлігі апатқа ұшырады

Қостанайда полицияның қызметтік көлігі жол апатына ұшырады. Оқиға кезінде тәртіп сақшылары бес тергеу изоляторындағы азаматты сотқа алып бара жатқан, деп хабарлайды Orda.kz. 

«Наш Костанай» басылымының мәліметінше, жол-көлік оқиғасы 16 маусым күні Баймағамбетов пен Гоголь көшелерінің қиылысында болған.

Полиция департаментінің дерегінше, Jac маркалы қызметтік көлік Баймағамбетов көшесімен арнайы жарық белгілерін қосып келе жатқан. Жүргізуші қиылысқа шығып, маневрдің қауіпсіз екеніне көз жеткізбеген. Сол сәтте Гоголь көшесімен жасыл бағдаршамға Chevrolet Cobalt көлігі келе жатқан. Нәтижесінде екі көлік соқтығысқан.

Фото: top-news.kz

Апат салдарынан екі полиция қызметкері зардап шегіп, медициналық тексеру үшін ауруханаға жеткізілді. Chevrolet Cobalt жүргізушісі жарақат алған жоқ. Қызметтік көлікте сол кезде сот процесіне жеткізіліп жатқан бес қамаудағы азамат болған екен. Жол апатынан кейін олардың барлығы да тексеру үшін қалалық ауруханаға жеткізілді.

Қазіргі уақытта полиция қызметкерлері апаттың мән-жайын анықтап жатыр. 

Оқи отырыңыз:

• Әскери кафедрада оқығандар екі жылдық қызметке шақырыла ма?
• Танымал айтыскер ақын Салтанат Өтелбаева жұбайымен бірге жол апатынан қаза тапты