Қостанай облысында әкесі мен қызы Тобыл өзеніне батып қаза тапты

Қостанай облысында Тобыл өзенінен ер адамның және кәмелетке толмаған қыздың денесі табылды. Әлеуметтік желілерде тараған ақпаратқа сәйкес, қаза тапқандар әкесі мен қызы болған, деп хабарлайды Orda.kz.       

Қайғылы оқиға Нечаевка ауылының маңында болған. Іздеу жұмыстары екі күнге созылды. Бірінші күні сүңгуірлер қыздың денесін тауып, судан алып шыққан. Ер адамды іздеу жұмыстары келесі күні жалғасты.

«Сүңгуірлердің іздестіру-құтқару жұмыстарының нәтижесінде қаза болған кісінің денесі де табылып, судан шығарылды»,  деп хабарлады Қостанай облысы Төтенше жағдайлар департаменті. 

Іздеу операциясы барысында құтқарушылар Тобыл өзені жағалауындағы шамамен 2,5 шаршы шақырым аумақты тексерді. Ұшқышсыз ұшу аппараты көмегімен 12 гектардан астам аумақ зерттеліп, сүңгуірлер өзен түбінің 39 мың шаршы метрін тексерген.

Іздеу жұмыстарына полиция қызметкерлері, жергілікті атқарушы органдардың өкілдері, еріктілер мен жергілікті тұрғындар да тартылды.

Марқұмдардың денелері табылғаннан кейін іздеу-құтқару жұмыстары аяқталды.

Оқи отырыңыз:

• ТЖМ қызметкерлері Есіл өзенін жүзіп өтпек болған адамды құтқарды
• Оңтүстік Корея президенті КХДР-ге бейбіт келіссөз бастауды ұсынды