Алматыда рұқсаты бар азаматтардың қаруы тексеріліп жатыр

Алматыда полицейлер азаматтық қару ұстайтындарды тексеруді бастады, деп хабарлайды Orda.kz.

Алматы қаласы Полиция департаментінің баспасөз қызметінің мәліметінше, мегаполисте аң аулауға, спортқа және өзін-өзі қорғауға арналған 42 мыңға жуық қару иесі бар. Тексерудің өзіне келетін болсақ, бұл жыл сайынғы рәсім. Ол қорғаныс құралдарын сақтау шарттарын бақылауға бағытталған. Белгіленген талаптарды бұзғаны үшін әкімшілік жауапкершілік көзделген.

Қазіргі уақытта 691 қару иесі тексерілді. 17-ден астам бұзушылық анықталды:

• дұрыс сақтамау;

• мерзімі өткен тіркеу;

• қайта тіркеу.

Азаматтық қаруды сақтау ережелерi бойынша иесi өз тұрғын үйiн металл сейфпен және сигнализация жүйесiмен жабдықтауға мiндеттi. Мылтық қапта болуы, ал патрондар - жеке, бөгде адамдардың қолы жетпейтін жерде сақталуы тиіс. Бұл шаралар жазатайым оқиғалардың және қауіптілігі жоғары заттарға рұқсатсыз қол жеткізудің алдын алуға арналған.

Жақында елімізде мектеп күзетшілеріне қару ұстауға рұқсат берілетін туралы жаздық. Бұл тексерістер Қаңтар оқиғасы кезінде ұрланған қарулардың әр жерден әлі де  табылып жатқандығыа қатысты болуы да мүмкін.