КҚК теңіз терминалына дрондар шабуыл жасады: Мұнай тиеу уақытша тоқтатылды

Каспий құбыр консорциумының (КҚК) теңіз терминалы ауданында ұшқышсыз ұшу аппараттарының шабуылынан кейін мұнай тиеу жұмыстары уақытша тоқтатылды, деп хабарлайды Orda.kz.

Қазақстанның Энергетика министрлігі мәліметінше, 30 шілдеде Nissos Sifnos танкеріне үшінші айлақ арқылы мұнай тиеу аяқталып жатқан кезде дрондар шабуыл жасаған. Осыған байланысты КҚК қауіпсіздік мақсатында мұнай тиеу жұмыстарын алдын ала тоқтатқан.

Сондай-ақ мұнай тиеуге жоспарланған Marathi танкері де КҚК теңіз терминалынан 6–7 теңіз милі қашықтықта ұшқышсыз ұшу аппараттарының шабуылына ұшыраған.

Алдын ала мәлімет бойынша, экипаж мүшелері зардап шеккен жоқ. Мұнайдың төгілуіне жол берілмеген. Шабуылдан кейін тұтанған өрт КҚК-ның үш буксирінің көмегімен сөндірілген.

Энергетика министрлігі оқиғаға қатысты жағдайды бақылауда ұстап отырғанын мәлімдеді.

Оқи отырыңыз:

• 10 тамыз – Абай күні: Ақын бір қыста 12 қылмыстық іс бойынша тексерілгенін білген бе едіңіз?
• Павлодарда пациенттерді ұрып-соғу туралы ақпараттан кейін психикалық денсаулық орталығында тексеріс басталды