КҚК Новороссийск арқылы мұнай жөнелтуді қайта бастады

Каспий құбыр консорциумы (КҚК) жүк жөнелтушілерден мұнай қабылдауды және оны Новороссийск портындағы теңіз терминалы арқылы танкерлерге тиеуді қайта бастады деп хабарлайды Orda.kz.

Қазіргі уақытта КҚК-ның екі айлақ құрылғысында SEAMAJESTY және MILOS танкерлеріне мұнай тиеліп жатыр. Екі кеме де «Теңізшевройл» ЖШС өндірген мұнайды қабылдауда.

Мұнай қабылдаудың қайта жандануы мұнай өндіруші компанияларға шикізатты құбыр жүйесіне жеткізуді жалғастырып, экспорттық жеткізілімдерді қайта іске қосуға мүмкіндік береді.

КҚК мәліметінше, теңіз терминалындағы барлық операциялар қазіргі жағдайды бағалау және қауіпсіздік талаптарын қатаң сақтай отырып жүргізіліп жатыр.

Қазақстан Республикасы Энергетика министрлігі КҚК басшылығымен, ірі жүк жөнелтушілермен және өзге де қатысушы тараптармен тұрақты байланыста екенін мәлімдеді. Ведомство жағдайды бақылауды жалғастырып, қазақстандық мұнайды үздіксіз тасымалдауды қамтамасыз етуге бағытталған жұмыстарды үйлестіріп отыр.

Оқи отырыңыз: 

• Қытай АҚШ-пен соғыс және Тайваньды басып алу сценарийлерін макет арқылы пысықтауда
• Президент Тоқтар Әубәкіровті 80 жылдық мерейтойымен құттықтады