Қытай АҚШ-пен соғыс және Тайваньды басып алу сценарийлерін макет арқылы пысықтауда

Қытай АҚШ-тың әскери кемелері, әуе базалары, әскери-теңіз нысандары және Тайваньдағы үкімет ғимараттарының толық көлемдегі макеттерін жасап, оларды зымырандарды сынау мен аймақтағы ықтимал қақтығысқа дайындық үшін пайдаланып жатыр, деп хабарлайды Orda.kz.        

Бұл туралы спутниктік суреттерді талдаған The Telegraph басылымы жазды.

Қытай Халық-азаттық армиясының (ҚХАА) полигондарында Жапониядағы Йокосука әскери-теңіз базасының, Тайваньдағы Суао базасының және эсминецтердің көшірмелері табылған. Спутник түсірген суреттерде макеттерге жасалған зымыран соққыларының іздері байқалады, бұл қаруды нақты сынақтан өткізу жүргізіліп жатқанын көрсетеді.

Сарапшылардың бағалауынша, мұндай жаттығулар барысында Қытай кемеге қарсы және баллистикалық зымырандарды, соның ішінде YJ-21 және YJ-17 гипердыбыстық зымырандарын қолдануды пысықтауы мүмкін.

Пекин Тайваньға ерекше назар аударып отыр. Қытай әскері Тайбэй қаласындағы үкімет ғимараттары мен көшелерінің, оның ішінде президент резиденциясының көшірмелерін жасаған. Сарапшылардың пікірінше, бұл нысандар арал астанасын басып алу және стратегиялық маңызды ғимараттарды шабуылдау сценарийлерін жаттықтыру үшін қолданылады.

Мамандар бұл дайындықтың ауқымын бұрын-соңды болмаған деңгейде деп бағалайды. Олардың айтуынша, макеттер бір мезгілде әрі әскери жаттығу, әрі ықтимал қарсыластар ретінде  Тайваньды басып алу операциясына дайындық туралы, АҚШ-қа — аймақтағы базаларына соққы беру мүмкіндігі туралы, ал Жапонияға — қақтығысқа тартылуы мүмкін белгі ретінде қызмет етеді.

Оқи отырыңыз:

• Иран: АҚШ-қа 20 млрд доллардан астам шығын келтірдік
• Джеки Чан Қазақстандағы кеште Miyagi мен Нұрлан Сабуровпен бірге көңіл көтерді