Киев көшесінде өтіп бара жатқан адамдарға оқ жаудырған кісі алты адамды жер жастандырды

Киевте белгісіз ер адам көшеде адамдарға оқ жаудырып, кейін Голосеевский даңғылындағы супермаркетке бекініп алып, келушілерді кепілге алған, деп хабарлайды Orda.kz.

Алдын ала мәлімет бойынша, ол бұған дейін өз пәтерін өртеген. Жергілікті БАҚ супермаркет маңында да өрт болғанын хабарлады, шабуыл жасаған адам жарылғыш зат қолдануы мүмкін екені де жоққа шығарылмайды.

Қылмыскердің ұстау барысынды көзі жойылды.

«Қылмыскер жасырынған дүкенге арнайы жасақ келді. Ол адамдарды кепілге алып, ұстау кезінде полиция қызметкерлеріне оқ атқан. Бұған дейін онымен келіссөз жүргізушілер байланыс орнатуға тырысып бақты» деп жазды Украинаның ішкі істер министрі Игорь Клименко өзінің Telegram-арнасында. 

Украина президенті Владимир Зеленскийдің мәлімдеуінше, атыс салдарынан бес адам қаза тауып, 10 адам жараланған. Зардап шеккендер арасында бір бала бар. Кейін қаза тапқандар саны алты адамға жеткен, себебі ауруханаға жеткізілген әйел көз жұмды.

Белгілі болғандай, шабуыл жасаған адам (1968 жылы туған) қаруды заңды түрде иеленген, желтоқсан айында тексерістен өтіп, медициналық анықтамаларын жаңартып, Kel-Tec SUB-2000 винтовкасын ресми түрде қайта тіркеген.

Тергеу Украина Қылмыстық кодексінің 258-бабының 3-бөлігі — «адам өліміне әкеп соққан террорлық акт» бойынша жүргізілуде.

Оқи отырыңыз:

• Астанада ер адам құқық қорғау органы қызметкеріне оқ атты
• Қазақстанда энергетикалық қауіпсіздік күшейтіліп, кемінде үш АЭС салынады
• Дропперлер қылмыстық жауапкершілікке тартылады