Кентауда адам денесі табылғаны туралы хабарлама жұртты дүрліктірді

Кентауда Яссауи даңғылындағы көпқабатты үйлердің бірінің ауласынан адам денесі табылғаны туралы жалған ақпарат тарады, деп хабарлайды Orda.kz.

Полиция бұл ақпараттың шындыққа жанаспайтынын мәлімдеді.

Полицияға аталған аумақтан адам денесі табылғаны туралы ақпарат түскен. Оқиға орнына жедел-тергеу тобы бірден барған. Полиция қызметкерлері аумақты, оның ішінде қоқыс жәшіктерін де тексерді. Алайда ақпарат расталған жоқ.

Қазіргі уақытта хабарламаның қайдан шыққаны және қалай таралғаны анықталып жатыр. Тексеру қорытындысы бойынша заңнамаға сәйкес тиісті шешім қабылданады.

Полиция азаматтарды тексерілмеген ақпаратты таратпауға шақырды. Көрінеу жалған ақпарат таратқаны үшін заңда жауапкершілік қарастырылған.

Оқи отырыңыз: 

• Ұлдана Мырзуанның қазасына қатысты сот: Істі прокурорға қайтарудан бас тартты
• 12 рет пышақталып, қаза болған Дильназдың анасы күдіктінің жазасын қатаңдатуды сұрады