«Қазмырыш» зауытындағы жарылыс: Тексеріс сараптамасы қандай?

Шығыс Қазақстан облысыдағы «Қазмырыш» зауытындағы төтенше жағдайдан кейін экологтар қандай нәтижелер көрсеткенін  Orda.kz хабарлайды.

ШҚО экология департаментінің мамандары «Қазмырыш» аумағындағы жарылыстан кейін өлшем жұмыстарын жүргізіп, талдау жасады. Зерттеу қорытындысы бойынша рұқсат етілген нормадан аздаған ауытқу тіркелгенімен, тұрғындар үшін қауіп жоқ.

Ал Шығыс Қазақстан облыстық полиция департаменті баспасөз қызметі еңбек қауіпсіздігі ережелерін бұзу фактісі бойынша, абайсызда екі немесе одан да көп адамның өліміне әкелген іс бойынша сотқа дейінгі тергеу басталғанын хабарлады.

Бұған дейін дәрігерлер «Қазмырыш» зауытындағы төтенше жағдайдан зардап шеккендердің жағдайы туралы мәлімет берген болатын. Медициналық мекемеге бес адам жеткізіліп, олардың екеуі ауруханаға жатқызылған, біреуі аса ауыр жағдайда жатыр.

Премьер-министр Олжас Бектенов «Қазмырыш» зауытындағы жарылысқа байланысты мемлекеттік органдарға бірқатар тапсырма берді. Үкімет отырысы алдында ол төтенше жағдайлар министрлігіне, экология министрлігіне және облыс әкімдігіне тиісті шаралар қабылдап, нәтижесі туралы баяндауды тапсырды.

Оқи отырыңыз:

• Өскемендегі «Қазмырыш» кәсіпорнында жарылыс: Премьер-министр тапсырма берді
• ІІМ жылдамдыққа қатысты «жаңа айыппұл» туралы ақпаратқа жауап берді
• Қазақстанда исламдық экономикаға қатысты шариғат кеңесін құру ұсынылды