«Қазхромның» үш қызметкері Ақтөбе облысында жол апатынан қаза тапты

Ақтөбе облысында Самара – Шымкент тас жолында болған жол-көлік оқиғасынан Дон тау-кен байыту комбинатының үш қызметкері қаза тапты, деп хабарлайды Orda.kz «Диапазон» басылымына сілтеме жасап.

Басылым мәліметінше, апат 28 шілде күні Ақтөбе мен Хромтау қалаларының арасындағы Самара – Шымкент тас жолында болған

«Оқиғаның мән-жайы мен себептері уәкілетті органдар анықтап жатыр. Компания қаза болғандардың туған-туыстары мен жақындарына қайғыра көңіл айтады», деп мәлімдеді «ТНК «Қазхром» АҚ баспасөз қызметі. 

Жолда Audi жеңіл көлігі мен борттық «ГАЗель» көлігі соқтығысқан.

Жол апаты салдарынан Audi көлігінің 25 жастағы жүргізушісі мен жолаушылардың бірі оқиға орнында көз жұмған. Тағы бір жолаушы ауруханаға алып бара жатқанда жолда қайтыс болған. Қаза тапқандардың барлығы Хромтаудағы Дон тау-кен байыту комбинатында жұмыс істеген екен, олар жұмысқа бара жатқан.

Сондай-ақ апат салдарынан «ГАЗель» көлігінің жүргізушісі жарақат алып, ауруханаға жеткізілген.

Оқи отырыңыз:

• «Жасанды Күн»: Қытай әлемдегі ең ірі термоядролық магнит жасады
• «Самұрық-Қазына» қорына қарасты компания басшылары 7,7 млрд теңге сыйақы алды