Қазақстаннан Дубайға ұшатын рейстер қыркүйек айының соңына дейін тоқтатылды

Air Astana мен FlyArystan Дубайға рейстерді тоқтату мерзімін ұзартты. Енді әуе қатынасы 30 қыркүйекке дейін тоқтатылады, деп хабарлайды Orda.kz.        

FlyArystan Таяу Шығыстағы тұрақсыз жағдайға байланысты Ақтау – Дубай – Ақтау бағытындағы рейстерді тоқтатты. Бұл бағытқа билеттерді тек 3 қазаннан бастап сатып алуға болады.

Air Astana да Алматы мен Астанадан Дубайға рейстерді 30 қыркүйекке дейін тоқтатты. Ал қазан айында бұл бағыттардағы ұшу жиілігі қысқартылады.

Рейсі тоқтатылған жолаушыларға билеттерін қосымша ақысыз басқа күнге ауыстыру немесе ақшасын толық қайтару мүмкіндігі ұсынылады.

Сонымен қатар Air Astana жолаушылары билет құнындағы айырмашылықты төлеген жағдайда билетін басқа халықаралық бағыттарға ауыстыра алады. Егер жаңа бағыттағы тариф қымбатырақ болса, айырмашылығы ғана төленеді.

Оқи отырыңыз:

• Иран аспаны қауіпті: Air Astana мен FlyArystan Дубай мен Мысыр бағыттарын өзгертті
• Дубай әуежайы қауіпсіздік қатеріне байланысты жұмысын уақытша тоқтатты
• Air Astana Дубайға ұшатын барлық рейсін тоқтатты
• FlyArystan Дубайға ұшатын рейстерін жаз бойы тоқтатты