Қазақстандықтардың қарызы 25 триллион теңгеден асты

Қазақстандағы несиелердің жалпы көлемі 43 трлн теңгеге жетті. Негізгі өсімді компаниялар емес, халық қамтамасыз еткен: жарты жыл ішінде азаматтардың қарызы 25 трлн теңгеге дейін артқан, деп хабарлайды Orda.kz.      

Оның басым бөлігі — тұтынушылық несиелер, ал ипотеканың үлесі салыстырмалы түрде аз. Бұл қаражаттың көбіне күнделікті шығындарға жұмсалып жатқанын, ұзақ мерзімді мақсаттарға бағытталмай отырғанын көрсетеді.

Бизнес несиені әлдеқайда сақтықпен алады және жалпы өсімге қосқан үлесі де төмен. Осы жағдай аясында реттеуші талаптарды күшейте бастады — шілде айынан бастап банктер қарыз алушылардың табысын қатаң тексеріп, борыш жүктемесін ескеріп, төлем мерзімін өткізіп алған және несие тарихы нашар клиенттерге несие беруді шектейтін болды.

Оқи отырыңыз:

• Депутаттар заң жобасын таныстырды:  Мұғалімнің оқушылар үшін жауапкершілігі азайды
• Алматыда самокатшыларға қойылатын талаптар күшейтілді: Полиция қандай шешім қабылдады?