Қазақстандық әпкелі-сіңлілі қыздар БАӘ-де қаза тапты: Отбасы олардың денелерін елге жеткізуге тырысып жатыр

Жақындарының айтуынша, Ақжан мен Жұлдыз Бохановалар Шарджға жұмыс істеу үшін барған. Таныстарының мәліметінше, қыздар сұлулық салонында жұмыс істеген, деп хабарлайды Orda.kz. 

Шамамен бір апта бойы әпкелі-сіңлілі қыздар байланысқа шықпаған. Кейін туыстарына олардың қаза тапқаны туралы хабарлаған. Қазір отбасы қыздардың денелерін Қазақстанға жеткізуге тырысып, тиісті көмек көрсетуді сұрап отыр.

Сыртқы істер министрлігінің мәліметінше, Қазақстанның Дубайдағы Бас консулдығы туыстарына қажетті құжаттарды рәсімдеуге көмектесіп, БАӘ билігімен байланыс орнатып отыр.

Қыздардың қаза болу себептері мен мән-жайы әзірге ресми түрде жарияланған жоқ. Әлеуметтік желілерде ықтимал күдікті Қазақстан азаматы екені жайлы ақпарат тарады. Алайда бұл мәлімет ресми түрде расталмаған.

Оқи отырыңыз: 

• Жамбылда полиция подполковнигі есірткі саудасы үшін сотталды
• Алматы облысында 17 адам 800-ден астам көлікті заңсыз тіркеген