Қазақстандық Анна Данилина әлемнің жетінші ракеткасы

Қазақстанның жұптық сындағы үздік теннисші Анна Данилина WTA ұйымының live-рейтингіндегі мәліметке сәйкес, Дохада өткен WTA 1000 санатындағы турнирде жеңіске жеткеннен кейін мансабында алғаш рет әлемнің жетінші ракеткасы атанбақ, деп хабарлайды Orda.kz.      

Отандасымыз жарыста сербиялық Александра Круничпен жұптасып өнер көрсетті. Финалда Данилина мен Крунич латвиялық Елена Остапенко және тайбэйлік Се Шувей жұбына қарсы ойнап, 0:6, 7:6, 10:8 есебімен жеңіске жетті.

Бірінші партияны ірі есеппен ұтылып қалған Анна мен Александра екінші сетте 2:5 есебімен кейін келе жатса да, матчболдан құтылып, таразы басын теңестіре алды.

Жартылай финалда қазақстандық-сербиялық тандем канадалық Габриэла Дабровски мен бразилиялық Луиза Стефани жұбын сенімді түрде 6:3, 6:4 есебімен жеңді.

Бұл Данилина үшін биылғы ірі турнирлердегі қатарынан екінші финал, бұған дейін ол Australian Open турнирінде чемпиондық атақ үшін таласқан еді.

Дүйсенбі күні әлемдік рейтинг жаңартылғаннан кейін Данилина планетаның жетінші ракеткасы атанады, бұл оның мансабындағы ең үздік жетістігі.

Оқи отырыңыз:

• Қысқы Олимпиада-2026: Жарыстың15 ақпандағы нәтижесі
• Қазақстан 2026 жылғы Қысқы Олимпиада ойындарының медальдық есебінде 15-орында
• Жетісуда жолға шықпау туралы ескертуді елемеген бес көлік апатқа ұшырады