Қазақстанда жаңа теміржол желісі салынады

Батыс Қазақстан облысында Индербор – Орал бағытындағы жаңа теміржол желісін салу перспективалары қаралды, деп хабарлайды Orda.kz.       

Жобаны іске асыру облыс орталығымен тікелей байланысты қамтамасыз етіп, өңірдің көлік байланысын жақсартуға мүмкіндік береді. Бұл туралы Көлік министрлігі мен облыс әкімдігі өткізген кеңесте айтылды.

Жауапты ұйымдарға жобаны жан-жақты пысықтауды жалғастырып, оны әрі қарай іске асыру бойынша ұсыныстар дайындау тапсырылды. Сонымен қатар Атырау – Орал тас жолын жөндеуге ерекше назар аударылды. Биыл жалпы ұзындығы 180 шақырым болатын учаскеде жұмыс жүргізіліп жатыр.

Кеңесте республикалық және жергілікті маңызы бар жолдарды дамыту, автокөлік өткізу бекеттерін жаңғырту және шекара маңындағы инфрақұрылымды жетілдіру мәселелері де талқыланды.

Мердігерлерге жұмыс қарқынын жеделдету, белгіленген мерзімдерді сақтау және құрылыс сапасын қамтамасыз ету тапсырылды.

Оқи отырыңыз:

• Shubat Fest: Маңғыстауда шұбат пен түйе сүтінен жасалған өнімдер фестивалі өтеді
• Ғалымдар АИТВ-ның алдын алуға арналған жаңа препарат әзірледі