Қазақстанда жаңа мереке – Қазақтың тазысы мен төбеті күні пайда болды

Қазақстан Үкіметі жаңа мерекелік күнді бекітті. Енді елімізде жыл сайын 3 қыркүйекте Қазақ тазысы мен төбеті күні атап өтіледі, деп хабарлайды Orda.kz.      

Тиісті өзгерістер 2026 жылғы 15 сәуірдегі №278 Үкімет қаулысымен мерекелік күндер тізбесіне енгізілді. Құжат 2026 жылғы 28 сәуірден бастап күшіне енеді.

Жаңа мереке Қазақстан үшін маңызды мәдени және тарихи мәнге ие ұлттық ит тұқымдары – тазы мен төбетке арналған.

Үкіметте атап өткендей, бұл күнді енгізу дәстүрлі мұраны сақтау және насихаттауға бағытталған.

Еске салсақ, былтыр Қазақ тазысы халықаралық деңгейде танылды. Бұл енді құмай тазының халықаралық көрмелерге қатысуына мүмкіндік береді. 

Экология және табиғи ресурстар министрлігінің мәліметінше, Қазақстан кинологтар одағы соңғы үш жылда Халықаралық кинологиялық федерацияның (FCI) толыққанды мүшесі атанған. Кейін қазақ тазысы тұқымын халықаралық мойындауға ресми өтінім берілген. Нәтижесінде FCI Бас комитеті қазақ тазысы тұқымын алдын ала мойындау жөнінде тарихи шешім қабылдады.

Айта кетейік, Қасым-Жомарт Тоқаевтың үш асыл тұқымды тазылары бар. Олар — Наурыз, Ронни және Нэнси.

2024 жылы Тоқаев Франция президенті Эммануэль Макронға тазының екі күшігін сыйға тартқан болатын. Оларды Макрон Жюль және Жанна деп атаған. Ел басшылары тазылармен бірге Елисей сарайының бақшасында серуендеген.

Оқи отырыңыз: 

• Құмай тазы — қазақта бабадан қалған дәстүрлі мұра
• Уикипедиядағы даулы тұжырым: Тазыны арабтар әкелді ме?
• Құмай тазы халықаралық деңгейде мойындалды