Қазақстанда такси қызметіне қатысты талаптар қатаңдады

ҚР ұлттық экономика министрлігі такси тасымалдаушылары үшін хабарлама беру тәртібін жаңартты, деп хабарлайды Orda.kz.      

Енді жүргізушілер такси қызметін бастамас бұрын жергілікті атқарушы органдарға міндетті түрде хабарлама жіберуі тиіс. Жаңа үлгіде автокөлік туралы мәліметтер — маркасы, мемлекеттік нөмірі және шығарылған жылы көрсетілуі қажет.

Сондай-ақ автопаркке көлік ауыстырылған немесе жаңасы қосылған жағдайда ақпаратты жаңарту мүмкіндігі қарастырылған.

Ведомствоның түсіндіруінше, бұрын тасымалдаушылар нақты бір көлікке тіркелмеген, бұл жол-көлік оқиғалары кезінде жауапкершілікті анықтауды қиындатқан.

Күтілетін өзгерістер:

•  тасымалдаушыны жылдам анықтауға;
• жолаушылар қауіпсіздігін арттыруға;
• заңсыз таксилер санын азайтуға көмектеседі.

Былтыр Петропавлда такси жүргізушілері қаза тапқан әріптесін еске алып, қайғырып, 14 маусымнан бастап жеті күн аза тұтатындарын жариялаған болатын. Олар такси агрегаторларына қосымшалардағы оқыс оқиға кезінде қосуға болатын дабыл түймесін қайтару туралы өтініш білдірді.

Оқи отырыңыз:

• Петропавлдық такси жүргізушілері жеті күн аза тұтады
• Ең қымбат такси қызметі Қазақстанда, ол тағы 9%-ға қымбаттады
• «Яндекс» бірлескен бизнестегі Uber-дің үлесін толығымен сатып алды