«Яндекс» бірлескен бизнестегі Uber-дің үлесін толығымен сатып алды

Яндекс «Яндекс Такси» компаниялар тобындағы Uber такси агрегаторының үлесін толығымен сатып алды, транзакцияның жалпы сомасы $702,5 млн құрады, деп хабарлайды ресейлік компанияның баспасөз қызметі.

«Яндекс Uber-дің Яндекс Такси компаниялар тобында қалған үлесін сатып алды. Мәміле нәтижесінде Яндекс таксиге тапсырыс беру, автошеринг және скутерлерді жалға алу қызметтерін қамтитын топтың жалғыз иесі болады. Тараптар реттеуші органдардың мақұлдауын алды, мәміленің жалпы сомасы $702,5 млн болды» деп хабарлады компания.

Өзгерістер пайдаланушылар мен серіктестерге арналған қызметтердің жұмысына ешқандай әсер етпейді, деп қосты компания.

Яндекс Такси мен Uber бірлескен MLU B.V компаниясын құрды. Ресейде және бірнеше ТМД елдерінде 2018 жылы біріктірілген компанияның басында Яндекстің инвестициясы 100 миллион доллар, ал Uber 225 миллион доллар болды.

2021 жылы Яндекс Uber-тен Yandex Food, Yandex Lavka және Yandex Delivery акцияларын 1 миллиард долларға сатып алды. Сонымен қатар бұрын компания Uber-ден ұшқышсыз көліктер мен роверлердің үлесін сатып алған болатын.

2022 жылдың наурызында The New York Times Uber мәлімдемесіне сілтеме жасай отырып, американдық компания MLU B.V-дегі өз үлесін сатуды жеделдетуге ниетті екенін хабарлады.