Қазақстан Премьер-лигасы ресми түрде 16 командаға дейін кеңейтілді

Келесі маусымда Қазақстан Премьер-лигасында (ҚПЛ) 14 емес, 16 команда ойнайды, деп хабарлайды Orda.kz Қазақстан футбол федерациясының (ҚФФ) ресми сайтына сілтеме жасап.

12 қыркүйек күні ҚФФ Атқарушы комитетінің отырысы өтті. Күн тәртібінде Қазақстан чемпионатының регламентіне енгізілетін өзгерістер де қаралды.

Нәтижесінде, Атқарушы комитет 2026 маусымынан бастап ҚПЛ клубтарының санын 16-ға дейін ұлғайту туралы шешім қабылдады.

Осылайша, биылғы маусым қорытындысы бойынша жоғарғы дивизионнан тек соңғы (14-орында тұрған) команда ғана шығады.

Бірінші лигада үздік шыққан үш команда ҚПЛ-ға жолдама алады. Бұл ереже ҚПЛ-ға қатысатын клубтардың құрамындағы жастар немесе фарм-командаларға қатысты қолданылмайды.

Еске сала кетейік, қазіргі Қазақстан чемпионы – алматылық «Қайрат» футбол клубы.

Жақында жасөспірімдер арасындағы Қазақстан чемпионаты матчында жаппай төбелес болды.

Еске салсақ,  «Астана», «Атырау», «Ордабасы», «Тұран», «Шахтер», «Каспий» клубтары  жекешелендірілуі мүмкін ұсынылған спорттық ұйымдардың қатарында тұр.