Қазақстанда 7 футбол клубы жекешелендірілмек

Қазақстанда 7 футбол клубы жекешелендірілуі мүмкін, деп хабарлайды Orda.kz. 

Бұл туралы Бәсекелестікті қорғау және дамыту агенттігі мәлімдеді. Жекешелендіруге ұсынылған спорттық ұйымдардың қатарында «Астана», «Атырау», «Ордабасы», «Тұран», «Шахтер», «Каспий» клубтары бар. 

Бұл спорттық ұйымдар Бәсекелестікті қорғау және дамыту агенттігі дайындаған 461 нысаннан тұратын кешенді тізімге енгізілген. Агенттік төрағасы Марат Омаровтың айтуынша, бұл нысандар алдымен Жоғары реформалар кеңесіне ұсынылады. Кейін оларды жекешелендірудің кешенді жоспарына енгізу қарастырылған. Бұл жұмыстар 2028 жылдың соңына дейін бақылауда болады.

Еске салайық, бұрынғы футбол федерациясының басшылығы қомақты қаражат жымқырғаны белгілі болды.