Қазақстан мен Моңғолия геологиялық барлау, мұнай өндіру салаларына заманауи технология енгізу туралы келісті

Қазақстанның энергетика министрі Ерлан Ақкенженов Моңғолияның өнеркәсіп және минералдық ресурстар министрі Гонгорын Дамдинняммен кездесу өткізді. Келіссөздер энергетика саласындағы екіжақты ынтымақтастықты нығайту аясында өтті, деп хабарлайды Orda.kz.      

Кездесу барысында тараптар бірқатар негізгі бағыттар бойынша өзара іс-қимылды кеңейту перспективаларын талқылады. Соның бірі — қазақстандық мұнай мен мұнай өнімдерін Моңғолия нарығына жеткізу мүмкіндігі.

Сондай-ақ келіссөзге қатысушылар геологиялық барлау, мұнай өндіру салаларына заманауи технологияларды енгізу бойыншаа тәжірибе алмасуды қарастырды. Аталған бағыттардағы ынтымақтастық екі елдің ресурстық базасын тиімді игеруге ықпал етуі мүмкін екені атап өтілді.

Мұндай бастамалар өнеркәсіптік кооперацияны күшейтіп, экспорттық әлеуетті кеңейтуі мүмкін. Дәстүрлі энергетикадан бөлек, тараптар жаңартылатын энергия көздері тақырыбы да қозғалды.

Атап айтқанда, ЖЭК дамыту бойынша тәжірибе алмасу, бірлескен жобаларды іске асыру,  тұрақты энергетикалық шешімдер енгізу мүмкіндіктері талқыланды.

Келіссөз қорытындысы бойынша Қазақстан мен Моңғолия ынтымақтастықты одан әрі дамытуға өзара мүдделілігін растады. Сонымен қатар тараптар екіжақты байланыстарды нығайтуға, бірлескен жобаларды жүзеге асыруға, тұрақты энергетика секторын дамытуға дайын екенін білдірді.

Сарапшылардың пікірінше, энергетика саласындағы өзара іс-қимылды кеңейту екі елдің экономикалық әріптестігінің негізгі факторларының біріне айналуы мүмкін.

Оқи отырыңыз:

• Аида Балаева: Грант алу үшін ҰБТ-ны екінші рет тапсыру мүмкіндігі болмайды
• Министрлік Баян Алагөзованың «Қыз Жібек» фильміндегі киімге қатысты жариялаған жазбасына пікір білдірді
• Өскеменнің экс-әкімі Жақсылық Омар апелляциялық шағым түсірді