Қазақстан мен Қытай жер сілкінісін бірлесе зерттейді

Алматыда Қазақстан–Қытай бірлескен жер сілкінісін зерттеу орталығы ашылды, деп хабарлайды Orda.kz қала әкімінің баспасөз қызметіне сілтеме жасап.       

Әкімдік мәліметінше, орталық қазақстандық және қытайлық мамандардың сейсмология саласындағы бірлескен зерттеулерімен айналысады.

«Алматыда Қазақстан–Қытай бірлескен жер сілкіністерін зерттеу орталығы ашылды. Ашылу рәсіміне төтенше жағдайлар министрі Шыңғыс Әрінов, Алматы әкімі Дархан Сатыбалды және Қытай Халық Республикасының Алматыдағы Бас консулы Су Фанцю қатысты» деп жазылған хабарламада. 

Осыған орай жер сілкіністерін бақылау, болжау және ерте ескерту технологияларын әзірлеу әрі енгізу жоспарланып отыр.

Орталық жұмысы сонымен қатар Алматы мен өңірдің сейсмикалық қауіптерін зерттеуге, ғылыми деректер мен тәжірибе алмасуға, сондай-ақ сейсмикалық қауіпсіздік саласында заманауи әдістерді қолдануға бағытталған.

Оқи отырыңыз:

• Қазақстан мен Грекия КҚК қауіпсіздігі мен Еуропаға мұнай жеткізу мәселесін талқылады
• Иран Ормуз бұғазын ашу үшін АҚШ-қа қатаң шарт қойды
• Министрлік түсіндірді: Неге кейде 120 балл жетпей, ал 100 баллмен тегін оқуға түсуге болады?