Қаржы министрлігі: Алматыдағы ЖШС басшысының жалақысы 131,5 млн теңге

25 қаңтар 2026 15:48 Ләззат Сұңқар

2026 жылғы 23 қаңтарда Қазақстан үкіметінде салық төлеушілер туралы барлық негізгі мәліметтер жинақталған Big Data бірыңғай талдамалық платформасының жұмысы туралы айтылды. Соның арқасында ҚР Қаржы министрлігі Алматыдағы бір мердігер басшының жалақысының адам сенгісіз көтерілгенін анықтаған, деп хабарлайды Orda.kz.

Платформада жылжымайтын мүлік, көлік, жер учаскелері, қаржылық операциялар және валюталық бақылау шеңберіндегі халықаралық мәмілелер туралы ақпарат жинақталған.

Мәліет бойынша Big Data аналитикалық құралдары 2025 жылы 700 млрд теңгеден астам салықтар мен төлемдердің қосымша түсімдерін қамтамасыз етті және бақылаудың атаулылығын арттырыпты.

«Ұсынылған салық декларациялары мен жазып берілген шот-фактуралар бойынша ашықтық заңсыз схемаларды қолдану белгілерін анықтаудың қосымша құралдарын береді... Қаржы министрлігінің басшылығы нақты мысал келтірді. Мәселен, Алматыда жайлы мектептер салуға мемлекеттік келісімшарттар алу қарсаңында жалақының едәуір көтерілгені анықталды. Нысандардың бірінің құрылысы кезінде ЖШС басшысының жалақысы 131,5 млн-ға дейін ұлғайған, бұл құрылысқа жұмсалатын шығынның да ұлғаюы мүмкін екенін білдіреді» деп жазылған ҚР Үкіметінің хабарламасында.

Осы факті бойынша Қаржы министрлігі тексеру тағайындап, жұмыс істеп жатыр.

Қазақстанда «Жайлы мектеп» бағдарламасы аясында жүздеген жаңа мектеп салынып жатыр. Бұл жоба білім сапасын арттырып, оқушыларға қолайлы жағдай жасау мақсатында іске қосылған. Алайда оның жүзеге асырылуы көптеген сұрақ тудырады. Мектептердің құны қалай өсіп жатқаны туралы материалды мына жерден оқыңыз.

Еске салсақ, Алматыда Конституция күні мен Білім күніне орай, «Келешек мектептері» жобасы аясында 22 500 оқушыға арналған 12 жаңа мектеп есігін ашты.

Оқи отырыңыз:

big data бақылау жалақы қаржы министрлігі

Жаңалықтар

барлық жаңалықтар