Қарағанды облысында жол апатынан екі мотоцикл жүргізушісі қаза тапты

16 сәуір күні шамамен сағат 21:00-де Шет ауданына қарасты Ағадыр кентінде бір бағытта келе жатқан екі мотоцикл жол-көлік оқиғасына ұшырады, деп хабарлайды Orda.kz.

Қарағанды облысында екі мотоцикл соқытығысып, адам өліміне әкелген жол-көлік оқиғасы болғанын өңірлік полиция жариялады.

Қарағанды облысы полиция департаментінің баспасөз қызметінің мәліметінше, 16 сәуір күні шамамен сағат 21:00-де Шет ауданына қарасты Ағадыр кентінде екі мотоцикл жол апатына ұшыраған. Алдын ала деректер бойынша, олар бір бағытта келе жатқан.

«Жол апаты салдарынан 37 және 17 жастағы мотоцикл жүргізушілері оқиға орнында көз жұмды, тағы бір адам түрлі жарақаттармен медициналық мекемеге жеткізілді. Аталған факт бойынша қылмыстық іс қозғалып, тергеу әрекеттері жүргізілуде», – деді Қарағанды облысы ПД әкімшілік полиция басқармасы бастығының орынбасары Бекзат Сәулембаев. 

Полиция барлық жол қозғалысына қатысушыларды жол қозғалысы ережелерін қатаң сақтауға, белгіленген жылдамдықты асырмауға және өз қауіпсіздігіне, сондай-ақ айналадағы адамдардың қауіпсіздігіне жауапкершілікпен қарауға шақырады. Әсіресе мотокөлік басқару кезінде қорғаныс құралдарын (шлем мен арнайы жабдықтарды) міндетті түрде пайдалану қажеттігіне ерекше назар аудару керек.

Видео: Қарағанды облысы ПД баспасөз қызметі

Аталған дерек бойынша қылмыстық іс қозғалып, тергеу жүргізілуде.

Оқи отырыңыз:

• Жолда қыршын кеткен өмірлер: Мас жүргізушіге үкім шықты
• Алматыда жол-көлік оқиғасынан үш адам қаза тапты
• Алматыдағы бес көлік жарысып, үш адам қаза болған шулы оқиғаға қатысты қылмыстық іс қозғалды