Қарағанды облысында Су-30СМ жойғыш ұшағы апатқа ұшырады

25 ақпан күні Қарағанды облысында жоспарлы оқу-жаттығу ұшулары барысында Су-30СМ жойғыш ұшағы апатқа ұшырады, деп хабарлайды Orda.kz. 

Бұл туралы ҚР Қорғаныс министрлігі ресми хабарлама таратты.

Министрліктің мәліметінше ұшақ экипажы дер кезінде катапульт жасап үлгерген. Ұшқыштар дін аман, олардың өмірі мен денсаулығына қауіп жоқ. Қазіргі уақытта олар медицина мамандарының бақылауында.

Ұшақ құлаған аумақ қоршауға алынды. Тұрғындар мен инфрақұрылым нысандарына еш қауіп жоқ.

Оқиғаның себептері мен мән-жайын анықтау үшін Қазақстан Республикасы Қорғаныс министрлігі арнайы комиссиясы құрды. Комиссияны ұшу қауіпсіздігі жөніндегі департамент басқарады. Оның құрамына авиациялық қызметтің арнайы мамандары кірді.

Тергеу қорытындысы бойынша құқықтық баға беріліп, процессуалдық шешім қабылданады.

Оқи отырыңыз:

• Үндістанда медициналық ұшақ апатқа ұшырап, 7 адам қаза тапты
• Ұшақ апаты: Әзірбайжан билігі қазақстандық құтқарушыларды марапаттады
• Ақтаудағы ұшақ апаты: Ресей Әзірбайжанға өтемақы төледі