Үндістанда медициналық ұшақ апатқа ұшырап, 7 адам қаза тапты

Қайғылы оқиға 23 ақпанда Джаркханд штатында болды. Джаркханд аумағында Beechcraft C90 үлгісіндегі медициналық ұшақ әуеге көтерілгеннен кейін бірнеше минут өткен соң қалың орманға құлаған, деп хабарлайды Orda.kz. 

Ұшақ бортында болғандардың барлығы: ауыр күйік шалған науқас, оның екі туысы, дәрігер, фельдшер және екі ұшқыш қаза тапты. Алдын ала мәліметтерге сәйкес, қолайсыз ауа райы мен күшті турбуленттілік салдарынан ұшқыштар әуе кемесін басқара алмай қалған.

Куәгерлердің айтуынша, апат алдында қатты жарылыс дауысы естіліп, артынша орман үстіне қою түтін көтерілген.

Оқиға орнында авиациялық апаттарды тергеу бюросының арнайы комиссиясы жұмыс істеп жатыр.

Оқи отырыңыз:

• Үндістан қазақстандықтарға 30 күндік визасыз режим енгізді
• Үндістан Ресей мұнайын сатып алмауға уәде берді, Трамп оларға баж салығын төмендетті
• Нипах вирусы Үндістан аумағынан асты: Бангладеште алғашқы жағдай тіркелді