Канн-2025: «Алтын пальма бұтағы» Иран фильміне бұйырды

Блэкаут болғанына қарамастан, Канндағы 78-ші кинофестивальдің қорытындысы шығарылды. Басты марапатқа ирандық режиссер Джафар Панахидің «Қарапайым кездейсоқтық» картинасы ие болды, деп хабарлайды Orda.kz.       

«Алтын пальма бұтағын» алған фильмде қамаудан шыққан диссидент түрмеде өзін азаптаған адаммен кездеседі. Алдымен ол кек алғысы келеді, бірақ кейін оған қарсы зорлық-зомбылық дұрыс бола ма деген күмән туады.

Мәртебесі бойынша екінші марапатқа, яғни Гран-приге Йоаким Триердің «Сентименталды құндылық» таспасы ие болды.

Сыншылардың сүйіктілері Оливер Лашенің «Сират» және Маша Шилинскийдің «Құлау дыбысы» фильмдері қазылар алқасының жүлдесіне ие болды.

Каннның басқа лауреаттары:

«Үздік режиссер» - Клебер Мендонса Фильо («Құпия агент»);

«Үздік актриса» - Надя Меллити («Сіңлі»);

«Үздік актер» - Вагнер Моура («Құпия агент»);

«Үздік сценарий» - Жан-Пьер мен Люк Дарденн («Жас аналар»);

«Қазылар алқасының арнайы жүлдесі» - Би Гань («Қайта тірілу»);

«ФИПРЕССИ сыйлығы» - «Құпия агент».

2021 жылы кино және театр актері Еркебұлан Дайыров  Азияның үздік актері атанып, оған осы марапат Канн фестивалінің қорытындысы бойынша табысталды.

2023 жылы 14 қазан күні музыкант Молданазар мен режиссер Мәлік Зеңгердің «Көгершін» әніне түсірген жаңа шығармашылық жобасының тұсаукесері өтті. Ал жарты жылдан кейін бейнеролик көрермендер мен беделді Канн кинофестивалінің қазылар алқасын баурап алды. Бұл Ғалымжан Молданазардың соңғы екі жылдағы алғашқы әні болатын.