Энергетикалық ресурс: Иранда жаңа газ қоры табылды

Жаңа кен орны елдің оңтүстігіндегі Оңтүстік Парс аймағынан табылған. Иранның мұнай министрі Мохсен Пакнежадтың айтуынша, мұнда 200 миллиард текше метрден астам табиғи газ қоры бар екенін мәмілдеді, деп хабарлайды Orda.kz Иранның Tasnim ақпарат агенттігіне сілтеме жасап.

Министрдің мәлімдеуінше, жаңа кен орнынан 161 миллиард текше метрден астам газ өндіруге болады. Анықталған қордың көлемі соншалық, Оңтүстік Парс кен орнының бір кезеңінің жұмысын шамамен 15 жыл бойы қамтамасыз етуге жетеді.

Мохсен Пакнежад жаңа кен орнындағы газдың құрамында күкірт мөлшері аз екенін атап өтті. Сондықтан оны өндіру және тазарту шығыны салыстырмалы түрде төмен болады.

Сонымен қатар кен орнынан көлемі өте үлкен газ конденсаты қоры да анықталған. Оның құны ондаған миллиард долларға бағаланып отыр.

Пакнежадтың айтуынша, жаңа газ қоры Иранның энергетикалық ресурстарын айтарлықтай арттыруға мүмкіндік береді.

Оқи отырыңыз:

• Иран Ормуз бұғазын ашу үшін АҚШ-қа қатаң шарт қойды
• Иран СІМ: Соғыс пен бейбітшілік уақытын АҚШ белгілемейді