Испания шекарасын бұзған мыңдаған мигрант Еуропаны дүрліктірді

Испания билігі Солтүстік Африкадағы Сеута анклавына әскерилер мен қосымша полиция күштерін жіберді. Бұған Мароккодан мыңдаған заңсыз мигранттың шекара бұзып кіруі себеп болды, деп хабарлайды Orda.kz.

Күштік құрылымдардың алдын ала бағалауынша, бір күннің ішінде қалаға кемінде 20 мың заңсыз мигрант өткен.

Адамдар Сеутаға үрлемелі шеңберлермен жүзіп, қоршаулардан асып түсіп немесе бақылау бекеттерінен өтіп жатыр. Олардың арасында кәмелетке толмағандар мен балалы отбасылар өте көп. Қайғылы оқиғалар да тіркелуде: теңізден 18 адамның мәйіті табылды. Елдегі уақытша орналастыру орталықтары лық толып, мигранттар далада түнеуге мәжбүр.

Шекарадағы бақылаудың босаңсуына Испания Жоғарғы сотының шешімі мен әлеуметтік желідегі қауесеттер себеп болған. Қазір екі ел арасында заңсыз өткендерді кері қайтару бойынша келіссөздер жүріп жатыр. Сеута билігі мұны ұлттық қауіпсіздікке төнген қауіп деп бағалап, үкіметтен төтенше жағдай жариялауды сұрады.

Оқи отырыңыз:

• Қытайдың «мұнай жұмбағы»: Тағы да жұмсақ күш танытпақшы ма?
• Елімізде 450 мың оқушыға 23 миллиард теңге қаржылай көмек қарастырылған