Исламабадта аурухана өртеніп, 15 жаңа туған шақалақ қаза тапты

Пәкістанның медициналық ғылымдар институтының (PIMS) неонатология бөлімінде күшті өрт шықты, деп хабарлайды Orda.kz Анадолу агенттігіне сілтеме жасап.

Пәкістан астанасындағы ауруханалардың бірінің жаңа туған нәрестелер бөлімінде болған өрт салдарынан, алдын ала мәлімет бойынша, 15 сәби қаза тапты.

Geo News телеарнасының хабарлауынша, өрт жергілікті уақыт бойынша таңғы сағат 06:45-те Исламабадтағы Пәкістан медициналық ғылымдар институтының (PIMS) неонатология бөлімінде кондиционер компрессоры жарылғаннан кейін тұтанған.

Билік өкілдерінің мәліметінше, өрт кезінде бөлімшеде болған нәрестелердің бірін құтқару мүмкін болған. Ал қалған 15 сәби сол жерде қаза болған.

Құтқару қызметтері өрттің толық сөндірілгенін хабарлады. Қазір оқиға орнында қираған құрылымдарды бөлшектеу жұмыстары жүргізіліп жатыр.

Өрттің шығу себептерін анықтау үшін арнайы тергеу комиссиясы құрылды.

Оқи отырыңыз:

• Президент: Жасанды интелектке қатысты тапсырма тиісті деңгейде орындалмады
• Оралда «тентек кәде» сұраған «әртістің» тісі үгітіліп, қабырғасы сынды