Президент: Жасанды интелектке қатысты тапсырма тиісті деңгейде орындалмады

Қасым-Жомарт Тоқаев педагогтердің тамыз конференциясында мектептегі білім беру жүйесіне қатысты бірнеше мәселені көтерді. Соның ішінде өзінің жасанды интелектке қатысты тапсырмасы тиісті деңгейде орындалмағанын айтты, деп хабарлайды Orda.kz.       

Президент балалар мен педагогтердің жасанды интеллектті жүйелі әрі дұрыс қолдану тәртібін белгілейтін пәрменді шараларды шұғыл қабылдау қажет екенін тағы да еске салды.

«Биыл мамыр айында Орта білім беру жүйесіне жасанды интеллектті ендіру жөніндегі шаралар туралы арнайы Жарлыққа қол қойдым. Алайда жаңа оқу жылы қарсаңында тапсырма тиісті деңгейде орындалмады. Бұл үлкен кемшілік. Себебі неде? Бәрібір технология қарыштап дамыған заманда мұндайға жол беруге болмайды»,— президент. 

Балалар мен педагогтердің жасанды интеллектті жүйелі әрі дұрыс қолдану тәртібін белгілейтін пәрменді шараларды шұғыл қабылдау қажет.

«Жастар, әсіресе, ауыл жастары цифрлық құрылғыларды, мәселен, смартфонды тұрақты табыс табуға пайдалана білуі керек. Сіздерді құлаққағыс етейін, Жолдауда осы жөнінде нақты міндет қоямын. Бізге цифрлық мемлекеттен цифрлық халық экономикасы деген түсінікке көшу қажет. Басқаша айтқанда, жасанды интеллект пен оның мүмкіндіктері ермек емес, кіріс көзі болуға тиіс»,— деді Тоқаев. 

Жоғары білім саласында жасанды интеллектіні пайдаланудың этикалық, құқықтық және ұйымдастыру ерекшеліктерін ескеретін ортақ стандарт бар. 

«Үкімет дәл осындай стандартты орта және кәсіптік-техникалық білім беру жүйесіне де енгізуі қажет»,— деп нақтылады мемлекет басшысы

Оқи отырыңыз:

• Тоқаев: Қазақстан оқулықтарында 700-ден астам қате бар
• Тоқаев Құрылтайдың тұңғыш сессиясын өткізуге қол қойды