Иран мен Израиль соққы алмасты

Израиль Иранға соққы жасағанын хабарлады. ЦАХАЛ Ирандағы әскери нысандарға соққы жасалғанын мәлімдеді. ЦАХАЛ-дың хабарлауынша, соққылар Иранның орталық және батыс бөліктеріндегі әскери нысандарға бағытталған, деп хабарлайды Orda.kz.       

Тегеран, Тебриз, Исфахан қалаларында және Кередж маңында бірнеше жарылыс болған. Алайда Axios порталы америкалық шенеунікке сілтеме жасап, бұл шабуылдардың ауқымы шектеулі болғанын хабарлайды.

«Біршама уақыт бұрын Израильдің әскери-әуе күштері Иранның террористік режиміне тиесілі әскери нысандарға батыс және орталық аймақтарда соққы жасады» деп жазылғанTelegram-дағы мәлімдемеде. 

Бұған дейін кешкісін Иран Ислам Республикасы Бейрут маңына жасалған ЦАХАЛ соққысына жауап ретінде Израиль аумағына шабуыл жасаған. ИРСК әскери-әуе күштері нысана ретінде Рамат Давид әуе базасы таңдалғанын, оған баллистикалық зымырандар жіберілгенін мәлімдеді.

Кейін Иран қарулы күштерінің «Хатам әл-Анбия» орталық штабы Израиль жауап қайтарса, одан да ауыр салдарға тап болатынын ескертті.

АҚШ президенті Дональд Трамп өз кезегінде Тегеранды келіссөздерге қайта оралып, мәміле жасауға шақырды. Сондай-ақ ол Израильдің жауап соққы жасамағанын қалайтынын білдірді. Мамыр айының соңында Израиль премьер-министрі Биньямин Нетаньяху ЦАХАЛ-ға Ливанның оңтүстігіндегі «Хезболла» қозғалысына қарсы операцияны кеңейтуді тапсырған болатын.

Израиль қорғаныс министрі Исраэль Кац әскери күштер Литани өзені маңында бақылау орнатып, бұл аймақты қарусыздандыруды көздейтінін айтты.

Оқи отырыңыз:

• «Хандала» хакерлік тобы Израиль тұрғындарды үйлерін тастап кетуге шақырды
• ҰҚК ШҚО қылмыстық істер жөніндегі сот алқасының төрағасы ұсталғанын растады
• Түрксіб ауданында адам өлтіріп, жасырмақшы болған адам ұсталды