Иран Ормуз бұғазының қайта жабылғанын мәлімдеді

Кеше Иран бұғазды коммерциялық кемелер үшін ашқан болатын, алайда АҚШ Иранға қарсы теңіз порттарының блокадасы жалғасатынын мәлімдеді, деп хабарлайды Orda.kz.      

«Хатам әл-Анбия» орталық қолбасшылығының ресми өкілі АҚШ тарапынан теңіз блокадасының жалғасуына байланысты Ормуз бұғазының қайта жабылғанын мәлімдеді.

«Америкалықтар тағы да екіжүзділік танытып, блокада деген сылтаумен қарақшылық пен теңізді тонауын жалғастыруда. Осыған байланысты Ормуз бұғазы бұрынғы режимге қайтарылып, бұл стратегиялық су жолы Иран Қарулы күштерінің қатаң бақылауына алынды» деп жазылған «Хатам әл-Анбия» орталық қолбасшылығының мәлімдемесінде. 

Тегеранның хабарлауынша, АҚШ Ираннан шығатын және Иранға баратын барлық кемелер үшін толық кеме қатынасы еркіндігін қалпына келтірмейінше, Ормуз бұғазындағы жағдай қатаң бақылауда болып, бұрынғы режим сақталады.

Еске салсақ, кеше ғана Иран сыртқы істер министрлігі Ормуз бұғазының уақытша ашылғанын мәлімдеді. Бұл шешім Ливандағы атысты тоқтату режимі кезеңінде барлық коммерциялық кемелерге қатысты екені айтылды.

Тақырыпқа қатысты оқи отырыңыз: 

• Ормуз ашылды, бірақ қысым сақталады: Иран, Трамп және мұнай нарығы қалай өзгерді?
• Иранның Ормуз бұғазын аша алмау «себебі» белгілі болды
• Ормуз бұғазы маңында шамамен 1000-нан астам кеме тұралап тұр