Иран хуситтерден мұнай тасымалының тағы бір бағытын жабуды сұрады

Иран АҚШ өзінің энергетикалық инфрақұрылымына соққы жасаған жағдайда Қызыл теңіз арқылы өтетін мұнай тасымалы жолын жабуға дайын болуды сұрап, Йемендегі хуситтер қозғалысына жүгінді, деп хабарлайды Orda.kz.        

Бұл туралы бейсенбі күні үш дереккөзге сілтеме жасап Reuters хабарлады. Дереккөздердің айтуынша, Иранның одақтасы саналатын хуситтер Баб-эль-Мандеб бұғазы маңындағы кемелерге шабуыл жасауға дайындықты аяқтап, бұйрық күтіп отыр.

Иранның жоғары лауазымды екі өкілі мен аймақтық дереккөздің мәліметінше, бұл идея Ислам Республикасының басшылығы деңгейінде талқыланып, хуситтерге жеткізілген.

«Топ Баб-эль-Мандеб бұғазы маңына, Қызыл теңізге кіретін негізгі қақпаға, зымырандар мен ұшқышсыз ұшу аппараттарын орналастырып, кемелерге шабуыл жасауға толық дайын. Қазір операцияны бастау туралы бұйрықты күтуде» деп мәлімдеген хуситтерге жақын дереккөз. 

Басылымның жазуынша, хуситтердің Қызыл теңіздегі кемелерге немесе порттарға соққы беруі, қазірдің өзінде жабық тұрған Ормуз бұғазымен қатар, Таяу Шығыстан мұнай экспорттайтын екі маңызды бағытты бір мезгілде жабылады. Бұл өз кезегінде энергетикалық дағдарыста да, Иран мен АҚШ арасындағы кең ауқымды қақтығыста да жаңа шиеленіс ошағын ашуы мүмкін.

Шиеленістің күшеюі аясында хуситтер Сауд Арабиясына зымыран ұшырды. Олар корольдікті өз бақылауындағы әуежайды бомбалады деп айыптап, төрт жылдық бітімді бұзды.

Ормуз бұғазы жабылғаннан кейін Парсы шығанағынан мұнайдың едәуір бөлігі Сауд Арабиясы құбыры арқылы Қызыл теңізге бағытталған болатын. Қазіргі таңда осы бағыт арқылы әлемдік энергия жеткізілімдерінің шамамен жеті пайызы тасымалданады.

Оқи отырңыз:

• Мұнай дағдарысы: жаһан мұнай қыспағына ұшырамаудың жолын қарастырып жатыр
• Иран мұнайы қайтадан әлемдік нарыққа шығарыла бастады
• Трамп Ормуз бұғазындағы кемелерге ақы енгізу ұсынысынан айнып қалды