Иран барлық байытылған уран қорынан бас тартуға келісті

Оман сыртқы істер министрлігі Иранның байытылған уран қорынан бас тартуға дайын екенін мәлімдеді, деп хабарлайды Orda.kz. 

АҚШ-пен жүргізілген келіссөздер барысында Иран байытылған уранның барлық қорынан бас тартуға келісті. Бұл Вашингтон келісім жасау үшін қойған негізгі талаптардың бірі. Бұл туралы Оманның сыртқы істер министрі Бадр әл-Бусаиди хабарлады.

Оман СІМ басшысы Иранның ядролық бағдарламасына қатысты өткен Иран мен АҚШ арасындағы консультациялардың үшінші кезеңі кезінде ирандық және америкалық делегациялар арасында хабар алмасу жүргізді. Келіссөздер бейсенбі күні кешке Женевада аяқталды.

«Қазіргі уақытта бар Ирандағы байытылған уран қорына келсек, менің ойымша, енді оларды мүмкін болатын ең төменгі — бейтарап, табиғи деңгейге дейін қайта өңдеу жөнінде келісімге қол жеткізілді. Яғни, олар отынға айналдырылады, әрі бұл отын қайтымсыз болады», — деді министр журналистерге берген сұхбатында. 

Еске салсақ,  Қазақстан Республикасы сыртқы істер министрлігі қазақстандықтарға Иранға барудан уақытша бас тартуды, ал қазір ел аумағында жүрген азаматтарға мүмкіндігінше тезірек кетуді ұсынды. Сонымен қатар Таяу Шығыс елдеріне сапарды мұқият жоспарлауға және жағдайдың күрт ушығу қаупін ескеруге шақырды.

Оқи отырыңыз:

• Женевадағы АҚШ пен Иран келіссөздері: 440 келі байытылған уран елден шығарылсын
• Иран АҚШ-тың әскери ұшақтарын сатып алғысы келеді
• Пезешкиан: Хаменейдің ядролық қаруға тыйым салу жөніндегі пәтуасы бұзылмайды