Иран АҚШ-тың әскери ұшақтарын сатып алғысы келеді

АҚШ пен Иран арасындағы жанама келіссөздердің екі кезеңі өтті. Келіссөздер Оманның арағайындығымен ұйымдастырылған, деп хабарлайды Orda.kz CBS News-ке сілтеме жасап. 

Тараптар екі елге де экономикалық тұрғыдан тиімді болуы мүмкін келісім нұсқаларын талқылаған. Иран АҚШ-тан санкцияларды жеңілдетуді сұрап отыр. Сонымен қатар, Тегеран америкалық ұшақтарды сатып алуға, сондай-ақ мұнай-газ кен орындарына қолжетімділік беріп, бірлескен инвестициялық жобаларды қарастыруға дайын екенін білдірді.

Шенеуніктердің айтуынша, дипломаттар АҚШ-тың арнайы өкілі Стив Уиткоффке ядролық мәселені басқа даулы тақырыптардан бөлек қарастыруды ұсынған. Бұл Иранның АҚШ мүдделеріне қарсы әрекет ететін топтарды қолдауы және баллистикалық зымыран бағдарламасы. Мәліметке сүйенсек, Уиткофф бұл мәселелерді бөлек талқылау идеясын қолдаған.

Алайда мұндай тәсіл Израиль тарапына ұнамай отыр. Израиль премьер-министрі Биньямин Нетаньяху кез келген келісім тек ядролық бағдарламамен шектелмеуі тиіс екенін мәлімдеді. Оның айтуынша, құжатта Иранның баллистикалық зымырандары мен өңірдегі қарулы топтарды қолдауы да қамтылуы керек.

Келіссөздер жалғасып жатыр. Тараптардың нақты келісімге қашан келетіні әзірге белгісіз.

Оқи отырыңыз:

• «Виза шектеулерін енгізді»: АҚШ Иран халқының құқығын шектегендерге шүйлікті
• «Идеология емес, ұлттық мүдде»: Тоқаев Қазақстанның жаңа геосаяси таңдауын айтты
• Трамп өзгеғаламашарлықтар туралы құжаттарды жариялайтынын айтты