Иран АҚШ-тың әскери базасына шабуыл жасады

Иран АҚШ-тың Сириядағы әскери базасына шабуыл жасады, деп хабарлайды Orda.kz.

Иранның әскери шабуылы туралы Mehr хабарлады. БАҚ-тың айтуынша, шабуылдың нысанасы Сирияның батысындағы Хасака провинциясындағы Касрук ауданында орналасқан америкалық әскери база болған.

Иран АҚШ соғысқа араласқан жағдайда америкалық базаларға соққы беру үшін зымырандар мен басқа да қару-жарақтарды дайындап қойған еді.

Бұл әлем назар аударып отырған Иран мен Израиль соғысына АҚШ 22 маусым күні араласты. АҚШ президенті Дональд Трамп америкалық әскерилер Иран аумағындағы үш ядролық нысанға – Фордо, Натанз және Исфаханға әуе соққыларын жасағанын хабарлады.

Айта кету керек, Израиль бұған дейін Иран генералы Хосейн Саламидің көзін жойды. Бұған қарсы жауап беріп, Израильге соққы жасауға мұрындық болған Әли Шадманиді де Израиль сарбаздары өлтіріп кеткен еді. Ол алдыңғы генерал көз жұмған соң бірнеше күннен кейін ғана тағайындалған болатын.