Иран АҚШ-қа қарсы зымырандарын дайындап қойды

Иран АҚШ соғысқа араласқан жағдайда америкалық базаларға соққы беру үшін зымырандар мен басқа да қару-жарақтарды дайындап қойды, деп хабарлайды Orda.kz.

Екі ирандық шенеунік АҚШ Изральді қолдап, соғысқа қосылған жағдайда, соққыны алдымен Ирандағы базалардан бастап, Таяу Шығыстағы америкалық базаларға бағыттайтынын ашық айтқан.

NYT мәліметінше, америкалық шенеуніктерді «бұл қақтығыс ауқымды соғысқа ұласып кете ме?» деген қорқыныш едәуір алаңдатқан.

«Егер АҚШ соғысқа қатысып, Иранның Фордодағы негізгі ядролық нысанына соққы жасайтын болса, Иран қолдайтын йемендік хусит көтерілісшілері Қызыл теңіздегі кемелерге шабуылды қайта бастайтынына сенімдіміз», — дейді ресми өкілдер.

NYT-тің басқа дереккөздеріне қарасақ, Иран шабуыл жасалған жағдайда Ормуз бұғазына мина қойып, Парсы шығанағындағы америкалық әскери кемелердің жолын жабуға тырысуы мүмкін.